6 февраля 2018 г.

Пачатак

"Пачатак" (Пётр Сямінскі)











Стомлены дружыннікі,
Князь загнаў каня.
Сонца за яліннікам,
Нібы гар ад дня.
Дзень згарэў. Да раніцы
Мерзне ўся радня,
Дым кастра ўяўляецца
Ім, як гар ад дня.
- Стругі ладзіць прыйдзецца, –
Мовіў князю вой.
- Тыднем не абыдзецца
Праца над ракой.
Многа тут ахвотнікаў
Землі захапіць,
Кроў сівых гаротнікаў
Ў Нёмане тапіць…
Князь устаў над воямі
З факелам агня:
- Каб не стаў між войнамі
Край як гар ад дня,
Пабудуем горад мы,
Каб абараняў,
Каб была для ворагаў
Тут агарадня.
Злую вестку вершніку
Несці – мала дня.
Спыніць сграю першую
Крэпасць ГАРАДНЯ…
Слова над цяпельцамі
Чулі курганы.
Сталі гарадзенцамі
Князевы сыны…
Будзенна, паходна
Утвараўся Гродна.

Комментариев нет:

Отправить комментарий