Сярод Белае Русі Новы Год прывабны ўсім

Гэта бурымэ з'явілася падчас праднавагодняга выступу перад навучэнцамі адной са школ горада Гродна.
Гледачамі былі прапанаваны словы:

Конь, здраднік, дранік, Украіна, заяц, воўк, варона, пятух, канікулы, казёл, піцца, Новы год.

А атрымалася вось што:

Жыццё наша рвецца наперад як конь,
Яно нам і сябр, і дараднік.
У сэрцы яно дзей стварае агонь,
Не страшны яму сум і здраднік.
Далёка сумуе пакуль Украіна,
Падорым мы ёй наш салодзенькі дранік...
Шчасліва няхай будзе наша краіна,
Няхай па-над ёй не з’яўляюцца здані.
Па лесе, як волад, праносіцца заяц,
А недзе ў сумёце натхняецца воўк,
Варона над Прыпяццю смела лятае,
І клювам пра нешта гукае: "Шчоўк-шчоўк".
Да нас набліжаецца год пятуха,
А заўтра нарэшце – канікулы.
І зноўку кудысьці ад’едзе страха,
Каб беды на два тыдні зніклі бы.
І дзівіцца шчасцю ў загоне казёл,
Якому за плотам ніяк не сядзіцца,
І мама на свята паставіць на стол
Пірог, прыгажэйшы за лепшую піццу.
Чакаем вяселля і новых прыгод,
Бо стукае ў дзверы ізноў Новы Год!

                                          23.12.2016